ବ୍ରହ୍ମପୁର,୨୬/୪/୨୪ : ଗତକାଲି ବିଳମ୍ବିତ ରାତିରେ ହଳିଆପଦର ବସଷ୍ଟାଣ୍ଡ ନିକଟରେ ଗୋଳନ୍ଥରା ଥାନା ପୋଲିସ ଏକ ଡକାୟତି ଯୋଜନା ପଣ୍ଡ କରି ୩ ଦୁର୍ଦାନ୍ତ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତମାନେ ଗୋଶାଣୀନୂଆ ଗାଁର ଶିବରାମ ପାଳ(୩୬), ଲାଠି ଗ୍ରାମର ଶ୍ୟାମସୁନ୍ଦର ଗୌଡ଼ ଓରଫ ଚେରୁ ଓ ପିଣ୍ଟୁ ଓରଫ ପଣ୍ଡା ଗୌଡ଼ । ଗିରଫ ଅଭିଯୁକ୍ତମାନଙ୍କ ନିକଟରୁ ଗୋଟିଏ ବନ୍ଧୁକ, ଦୁଇଟି ଖଣ୍ଡା, ୪ଟି ମୋବାଇଲ, ଏହାସହ ଘଟଣା ସ୍ଥଳରୁ ଦୁଇଟି ଜୀବନ୍ତ ବୋମା, ମଦ ବୋତଲ ସମେତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଥିବା ଥାନା ଅଧିକାରୀ ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି । ଏହାସହ ଗିରଫ ଅଭିଯୁକ୍ତମାନଙ୍କ ନାମରେ ଏକାଧିକ ମାମଲା ରହିଛି ବୋଲି ଜଣାଯାଇଛି ।
