ଗଞ୍ଜାମର ଅଧିଷ୍ଠାତ୍ରୀ ମା’ ତାରାତାରିଣୀଙ୍କ ଚୈତ୍ର ମାସ ମଙ୍ଗଳବାର ଯାତ୍ରା ନେଇ ଜିଲାପାଳଙ୍କ ସମ୍ମିଳନୀ କକ୍ଷରେ ଗତକାଲି ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଚଳିତ ବର୍ଷ ଚୈତ୍ର ମଙ୍ଗଳବାର ୫ଟି ପାଳି ପଡୁଥିବା ବେଳେ ମାର୍ଚ୍ଚ ୨୬ରେ ପ୍ରଥମ ପାଳି, ଏପ୍ରିଲ ୨ରେ ଦ୍ୱିତୀୟ ପାଳି, ୯ରେ ତୃତୀୟ ପାଳି, ୧୬ ତାରିଖରେ ଚତୁର୍ଥ ପାଳି ଓ ଏପ୍ରିଲ ୨୩ରେ ପଞ୍ଚମ ପାଳି ମା’ଙ୍କ ଚୈତ୍ର ମେଳା ଅନୁଷ୍ଠିତ ହେବ । ଏହି ଚୈତ୍ର ମେଳାରେ ବହୁ ଭକ୍ତଙ୍କ ସମାଗମ ହୋଇଥାଏ । ତେଣୁ ଶାନ୍ତି ଶୃଙ୍ଖଳାରେ କିପରି ଏହି ମେଳା ସମାପନ ହେବ ସେ ନେଇ ଗଞ୍ଜାମ ଜିଲାପାଳ ଦିବ୍ୟଜ୍ୟୋତି ପରିଡ଼ା ଗୁରତ୍ୱ ଦେଇଛନ୍ତି ।
