ଏକ ସେନା ବିମାନ ଦୁର୍ଘଟଣାଗ୍ରସ୍ତ : ୪୬ ଜଣଙ୍କର ମୃତ୍ୟୁ

ନୁଆଦିଲ୍ଲୀ:-ସୁଦାନର ଏକ ସେନା ବିମାନ ଦୁର୍ଘଟଣା ହୋଇଛି । ଓମଡୁରମାନ ସହରରେ ଏହା ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ ଅତି କମରେ 46 ଜଣଙ୍କର ମୃତ୍ୟୁ ହୋଇଥିବା କୁହାଯାଉଛି ।
ବୁଧବାର ଦିନ ଏକ ସଂକ୍ଷିପ୍ତ ବିବୃତ୍ତିରେ ସାମରିକ ଏବଂ ସ୍ୱାସ୍ଥ୍ୟ ଅଧିକାରୀମାନେ କହିଛନ୍ତି ଯେ, ମଙ୍ଗଳବାର ଦିନ ଓମଡୁରମାନର ଉତ୍ତରରେ ଥିବା ୱାଡି ସୟେଦନା ଏୟାରବେସରୁ ଉଡ଼ାଣ ଭରିବା ସମୟରେ ଆଣ୍ଟୋନୋଭ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ଓମଡୁରମାନ ହେଉଛି ରାଜଧାନୀ ଖାର୍ତୁମର ସିଷ୍ଟର ସିଟି ।
ସେନା କର୍ମଚାରୀଙ୍କ ସମେତ ଲୋକଙ୍କ ମୃତ୍ୟୁ- ସେନାର ବିବୃତ୍ତି ଅନୁଯାୟୀ, ଦୁର୍ଘଟଣାରେ ସାମରିକ କର୍ମଚାରୀ ଏବଂ ସାଧାରଣ ନାଗରିକଙ୍କ ମୃତ୍ୟୁ ହୋଇଛି । ତଥାପି, ଏପର୍ଯ୍ୟନ୍ତ କେତେ ଲୋକଙ୍କ ମୃତ୍ୟୁ ହୋଇଥିବା ରିପୋର୍ଟ ପ୍ରକାଶ କରାଯାଇ ନାହିଁ । ଦୁର୍ଘଟଣାର କାରଣ ବର୍ତ୍ତମାନ ସୁଦ୍ଧା ଜଣାପଡି ନାହିଁ।