ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବାଧୀନ ମେଣ୍ଟ ସରକାରରେ ବିଜେପି ମୁଖ୍ୟ ଜେପି ନଡ୍ଡାଙ୍କୁ ସ୍ୱାସ୍ଥ୍ୟ ମନ୍ତ୍ରାଳୟ ବିଭାଗ ଦିଆଯାଇଛି । ଚଳିତ ମାସ ଶେଷରେ ୬୩ ବର୍ଷୀୟ ନଡ୍ଡାଙ୍କର ବର୍ଦ୍ଧିତ କାର୍ଯ୍ୟକାଳ ଶେଷ ହେଉଛି । ଏହାପରେ ବିଜେପିକୁ ଆଉ ଜଣେ ନୂଆ ମୁଖିଆ ମିଳିବେ । ବିଜେପି ନେତୃତ୍ବାଧୀନ ସରକାରରେ ନଡ୍ଡା ଏକମାତ୍ର ନେତା ଭାବେ ହିମାଚଳରୁ ପ୍ରତିନିଧିତ୍ବ କରୁଛନ୍ତି । ଲ’ରେ ଡିଗ୍ରି କରିଥିବା ନଡ୍ଡା ଆରଏସଏସ (ରାଷ୍ଟ୍ରୀୟ ସ୍ୱୟଂସେବକ ସଂଘ)ର ଛାତ୍ରଶାଖା ଏବିଭିପି (ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ)ରୁ ତାଙ୍କ ରାଜନୈତିକ ଯାତ୍ରା ଆରମ୍ଭ କରିଥିଲେ । ସେ ୧୯୯୧ରେ ବିଜେୱାଇଏମ୍ ( ଭାରତୀୟ ଜନତା ଯୁବ ମୋର୍ଚ୍ଚା)ର ସଭାପତି ହୋଇଥିଲେ । ୨୦୧୨ରେ ସେ ରାଜ୍ୟସଭାକୁ ନିର୍ବାଚିତ ହୋଇଥିଲେ ।
