ମହାକୁମ୍ଭରେ ବୁଡ଼ ପକାଇବା ପରେ ପ୍ରବଳ ଥଣ୍ଡାରେ ୩ ମୃତ, ୩ ହଜାରରୁ ଅଧିକ ଅସୁସ୍ଥ

ଉତ୍ତରପ୍ରଦେଶ: ମହାକୁମ୍ଭରେ ୨୦୨୫ ଉତ୍ତରପ୍ରଦେଶର ପ୍ରୟାଗରାଜରେ ଆରମ୍ଭ ହୋଇଛି। ଏଥିରେ କୋଟି କୋଟି ଲୋକ ଉତ୍ସାହର ସହ ଅଂଶଗ୍ରହଣ କରୁଥିବାବେଳେ ମହାକୁମ୍ଭରେ ପ୍ରବଳ ଥଣ୍ଡା ହେବାରୀ ଦେଖାଯାଇଛି। ଆଜି ଥିଲା ପ୍ରଥମ ଶାହିସ୍ନାନ, ଯାହାକୁ ଅମୃତ ସ୍ନାନ। ଏହି ସ୍ନାନ ପରେ ୩ ଜଣଙ୍କର ମୃତ୍ୟୁ ହୋଇଥିବାବେଳେ ଆହୁରି ୩ ହଜାର ଲୋକ ଅସୁସ୍ଥ ହୋଇପଡିଥିଲେ।
ଯେତେବେଳେ ଶରଦ ପାୱାରଙ୍କ ଦଳର ନେତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା, ସେତେବେଳେ ତାଙ୍କ ସାଙ୍ଗମାନେ ସକାଳ ୮.୩୦ରେ ତାଙ୍କୁ ଉପ-ସେଣ୍ଟ୍ରାଲ ହସ୍ପିଟାଲ, ଝୁନ୍ସି ନେଇଥିଲେ, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ଏହା ସହିତ କୋଟା ରାଜସ୍ଥାନର ଅନ୍ୟ ଜଣେ ସୁଦର୍ଶନ ସିଂଙ୍କର ମଧ୍ୟ ମୃତ୍ୟୁ ଘଟିଛି। ସୁଦର୍ଶନ ସିଂ ମଧ୍ୟ ତାଙ୍କ ସାଙ୍ଗମାନଙ୍କ ସହିତ ମହାକୁମ୍ଭରେ ବୁଡ଼ ପକାଇବାକୁ ଆସିଥିଲେ। ବୁଡ଼ ପକାଇବା ପରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ତାଙ୍କ ସାଙ୍ଗମାନେ ତାଙ୍କୁ ଝୁନ୍ସି ଉପ-ସେଣ୍ଟ୍ରାଲ ହସ୍ପିଟାଲକୁ ନେଇଥିଲେ। ହୃଦ୍‌ଘାତ ହେତୁ ମୃତ୍ୟୁ ହୋଇଥିବା ସନ୍ଦେହ କରାଯାଉଛି। ପୋଷ୍ଟ ମର୍ଟମ ରିପୋର୍ଟ ଆସିବା ପରେ ହିଁ ମୃତ୍ୟୁର ପ୍ରକୃତ କାରଣ ଜଣାପଡିବ। ଏହା ବ୍ୟତୀତ ୮୫ ବର୍ଷିୟ ଅର୍ଜୁନ ଗିରିଙ୍କୁ ହୃଦଘାତରେ ପୀଡିତ ହେବା ପରେ ଡାକ୍ତରଖାନା ନିଆଯାଉଥିଲା, ସେ ରାସ୍ତାରେ ମୃତ୍ୟୁବରଣ କରିଥିଲେ।