ବ୍ରହ୍ମପୁର ୨୧/୦୮:- ମହାକାଶ ବିଜ୍ଞାନ ଓ ସ୍ଥାପତ୍ୟ କଳାର ସମନ୍ୱୟରେ ଏବେ ସାରା ବିଶ୍ଵରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ଓଡ଼ିଆ ପୁଅ ବିଶ୍ଵଜିତ୍ ଦାଶ I ପୃଥିବୀ ବାହାରେ ମାନବ ସଭ୍ୟତାର ବାସସ୍ଥାନ କିପରି ହେବ, ସେନେଇ ନିଜର ଅଭିନବ ଏବଂ ଭବିଷ୍ୟତବାଦୀ ଦୃଷ୍ଟିକୋଣ ପାଇଁ ସେ ଆଜି ଓଏକ ପରିଚିତ ନାମ । ବ୍ରହ୍ମପୁର ର ଏହି ମେଧାବୀ ଯୁବକ ମହାକାଶ ସ୍ଥାପତ୍ୟ କ୍ଷେତ୍ରରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ଓଡ଼ିଶା ପାଇଁ ଗୌରବ ଆଣିଛନ୍ତି ।ବିଶ୍ଵଜିତ୍ ଚଣ୍ଡିଗଡ଼ ବିଶ୍ବବିଦ୍ୟାଳୟରୁ ସ୍ଥାପତ୍ୟ ରେ ସ୍ନାତକ ହାସଲ କରିବା ସହ ସେଠାରେ ଏକା ଡେମିକ୍ ସ୍ଵର୍ଣ୍ଣପଦକ ବିଜେତା ହୋଇଛନ୍ତି । ତାଙ୍କର ଅସାଧାରଣ ପ୍ରତିଭା ପାଇଁ ସେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଆର୍କି ଟେକ୍ଟ ସ୍’ ଦ୍ୱାରା ସବୋତ୍ତମ ଛାତ୍ର ପୁରସ୍କାରରେ ମଧ୍ୟ ସମ୍ମାନିତ । ଜଣେ ମହାକାଶ ସ୍ଥାପତି, ଗବେଷକ, ଡିଜାଇନର୍ ଏବଂ ବହୁବିଧ ଶିଳ୍ପୀ ଭାବରେ ସେ ମାନବ ମହାକାଶ ଗବେଷଣାକୁ ଆଗକୁ ବଢ଼ାଇବା ପାଇଁ କାର୍ଯ୍ୟକରୁଛନ୍ତି । ବିଶେଷ କରି ପୁନର୍ଜନ୍ମକାରୀ ବାସସ୍ଥାନ, ବନ୍ଦ-ଲୁପ୍ ସିଷ୍ଟମ ଏବଂ ମାନବ – କେନ୍ଦ୍ରିକ ବାହ୍ୟ ପରିବେଶ ନିର୍ମାଣ ଉପରେ ତାଙ୍କର ଗବେଷଣା କେନ୍ଦ୍ରୀଭୂତ ।ମହାକାଶ ମିଶନରେ ନେତୃତ୍ୱ : ବିଶ୍ୱଜିତ୍ ଆର୍କାସ ‘ସ୍ପେସ୍ ଆର୍କିଟେକ୍ଟର ଡିଜାଇନ୍ ରିସର୍ଚ ଲ୍ୟାବ୍ଧ’ର ସହ-ପ୍ରତିଷ୍ଠାତା, ଯାହା ଏକ ଇସ୍ରୋ ପଞ୍ଜିକୃତ ସ୍ପେସ୍ ଟ୍ୟୁଟର୍ । ଏଥ୍ ସହ ସେ ‘ଟାଇଟାନ୍ସ ସ୍ପେସ୍ ଇଣ୍ଡଷ୍ଟ୍ରିଜ୍’ର ସ୍ପେସ୍ ଆର୍କିଟେକ୍ଟର ଟାସ୍କଫୋର୍ସରେ ଡେପୁଟି ଡାଇରେକ୍ଟର ଭାବରେ ଦାୟିତ୍ୱ ତୁଲାଇଛନ୍ତି ।ବର୍ତ୍ତମାନ ସେ ଏକ ଐତିହାସିକ ମିଶନର ନେତୃତ୍ବ ନେବାକୁ ପ୍ରସ୍ତୁତ ହେଉଛନ୍ତି । ଜୁଲାଇ ୨୦୨୬ରେ ପୋଲାଣ୍ଡର ଲୁନିଆରେସ୍ ‘ଆନାଲଗ୍ ରିସର୍ଚ୍ଚ ଷ୍ଟେସନ’ରେ ଅନୁଷ୍ଠିତ ହେବାକୁ ଥିବା ସମ୍ପୂର୍ଣ ଭାରତୀୟ ଆନାଲଗ୍ କୁ ମିଶନ ‘ବ୍ୟୋମ ସେତୁ-୧’ର ସେ ନେତୃତ୍ୱ ନେବେ । ଏହି ମିଶନର ମୂଳ ଲକ୍ଷ୍ୟ ହେଉଛି – ଏକ ସମ୍ପୂର୍ଣ ବିଛିନ୍ନ ପରିବେଶରେ ମହାକାଶଚାରୀଙ୍କ ମାନସିକ ସ୍ଥିରତା, କାର୍ଯ୍ୟକ୍ଷମ ଦକ୍ଷତା ଏବଂ ମାନବ ଅନୁକୂଳନ ପ୍ରକ୍ରିୟାକୁ ଅନୁଧ୍ୟାନ କରିବା । ଏହା ଆନାଲଗ୍ ଟୁଡେ, ଲୁନାର୍ ଟ୍ୟୁମରୋ ଦୃଷ୍ଟିକୋଣ ଉପରେ ଆଧାରିତ ।ଓଡ଼ିଶାର ପ୍ରଥମ ଆନାଲଗ୍ ମହାକାଶଚାରୀ : ଓଡ଼ିଶାର ଜଣେ ମୂଳ ବାସିନ୍ଦା ଭାବରେ ସେ ବିଶ୍ୱସ୍ତରୀୟ ମଞ୍ଚରେରାଜ୍ୟକୁ ପ୍ରତିନିଧ୍ବ କରିବାକୁ ଲକ୍ଷ୍ୟ ରଖିଛନ୍ତି । ଏହି ମିଶନ ମାଧ୍ୟମରେ ସେ ଓଡ଼ିଶାର ପ୍ରଥମ ‘ଆନାଲଗ୍ ମହାକାଶଚାରୀ’ ହେବାର ସୌଭାଗ୍ୟ ଅର୍ଜନ କରିବେ । ସ୍ଥାପତ୍ୟ ପୃଷ୍ଠଭୂମି ସହିତ ଭାରତର ପ୍ରଥମ ବାଣିଜ୍ୟିକ ମହାକାଶଚାରୀ ହେବା ତାଙ୍କର ଚୂଡ଼ାନ୍ତ ଲକ୍ଷ୍ୟ ।ନିଜର ଏହି ସଫଳତା ଓ ଭବିଷ୍ୟତ ଯୋଜନା ବିଷୟରେ ବିଶ୍ୱଜିତ୍ କୁହନ୍ତି – ମାନବତାର ଭବିଷ୍ୟତ ପୃଥିବୀ ବାହାରେ ନବସୃଜନ, ସ୍ଥିରତା ଏବଂ ଅନୁସନ୍ଧାନରେ ନିହିତ । ଓଡ଼ିଶାର ଯୁବମନ କୁ ବିଶ୍ୱସ୍ତରୀୟ ସ୍ଵପ୍ନ ଦେଖିବା ଏବଂ ମହାକାଶ ବିଜ୍ଞାନର ଭବିଷ୍ୟତରେ ଯୋଗଦାନ ଦେବା ଉଚିତ ,ତାଙ୍କର ଏହି ପ୍ରୟାସକୁ ଶିକ୍ଷାବିତ୍ ଏବଂ ସ୍ଥାନୀୟ ବାସିନ୍ଦାମାନେ ଉଚ୍ଚ ପ୍ରଶଂସା କରିଛନ୍ତି । ଏହା ରାଜ୍ୟର ଯୁବପିଢ଼ିଙ୍କୁ ପାରମ୍ପରିକ କ୍ୟାରିୟର ବାହାରେ ଚିନ୍ତା କରିବାକୁ ଏବଂ ବିଜ୍ଞାନ ଓ ପ୍ରଯୁକ୍ତିବିଦ୍ୟା କ୍ଷେତ୍ରରେ ନୂତନ ଉଦ୍ଭାବନ ପାଇଁ ଉତ୍ସାହିତ କରିବ ବୋଲି ଆଶା କରାଯାଉଛି ।ବିଶ୍ଵଜିତ୍ ବ୍ରହ୍ମପୁର ହିଲପାଟନା ନିବାସୀ ତଥା ଓଏସଆର୍ ଟି ସି ର ଅବସରପ୍ରାପ୍ତ ଜିଲ୍ଲା ପରିଚାଳକ ହୃଷୀକେଶ ଦାଶ ଏବଂ ସଞ୍ଜୁକ୍ତା ଦାଶଙ୍କ ସୁପୁତ୍ର ଅଟନ୍ତି । ତାଙ୍କର ଏହି ଅସାଧାରଣ ସଫଳତା,ଓଡ଼ିଶା ପାଇଁ ଏକ ଗର୍ବର ମୁହୂର୍ତ୍ତ ଏବଂ ଆଗାମୀ ପିଢ଼ି ପାଇଁ ପ୍ରେରଣାର ଏକ ନୂତନ ଆଲୋକବର୍ତ୍ତିକା ।
