ବ୍ରହ୍ମପୁର :ଜେଡି ଇନଷ୍ଟିଚ୍ୟୁଟ୍ ଅଫ୍ ଫ୍ୟାଶନ୍ ଟେକ୍ନୋଲୋଜି, ବ୍ରହ୍ମପୁର ଏବଂ ଟି ଏଫ୍ ଆଇ (ଦି ଫ୍ୟାସନ ଇସ୍ୟୁ )ଙ୍କ ମିଳିତ ଆୟୋଜନରେ ବ୍ରହ୍ମପୁରରେ ପ୍ରଥମ ଫ୍ୟାଶନ୍ ଫ୍ଲାଶ ମବ୍ ସଫଳତାର ସହ ଅନୁଷ୍ଠିତ ହୋଇଯାଇଛି । ଅର୍ବାନ ବ୍ୟାଙ୍କ ରୋଡ୍ରେ ଆୟୋଜିତ ଏହି କାର୍ଯ୍ୟକ୍ରମ ଶତାଧିକ ଦର୍ଶକଙ୍କୁ ଆକର୍ଷିତ କରି ସହରରେ ନୂତନ ଉତ୍ସାହ ସୃଷ୍ଟି କରିଥିଲା। ଟି.ଏଫ୍ ଆଇ.ର ପ୍ରତିଷ୍ଠାତ୍ରୀ କରିସ୍ମା ଖାନ୍ ଙ୍କ ନେତୃତ୍ୱରେ ଏବଂ ଜେଡି ଇନଷ୍ଟିଚ୍ୟୁଟ୍ ବ୍ରହ୍ମପୁରର ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମରେ ଆନ୍ତର୍ଜାତୀୟ ଫ୍ୟାଶନ୍ ଡିଜାଇନର୍ ଫ୍ୟାଶନ୍ ସ୍ୟାଣ୍ଡି ନିଜର ସୃଜନଶୀଳ ଅବଦାନ ରଖିଥିଲେ। ଏଥିସହିତ ଭିକ୍ଟୋରିଆ ସେଲୁନ୍, ଷ୍ଟିଜି ଡାନ୍ସ କମ୍ପାନୀ ଏବଂ ଲିସମ୍ ଡାନ୍ସ ଏକାଡେମୀ ସହଯୋଗୀ ଭାବେ ଅଂଶଗ୍ରହଣ କରିଥିଲେ। ନୃତ୍ୟ, ଫ୍ୟାଶନ୍ ପ୍ରଦର୍ଶନ ଏବଂ ସୁସଂଗଠିତ ଫ୍ଲାଶ ମବ୍ ମାଧ୍ୟମରେ ଏକ ସାର୍ବଜନୀନ ସ୍ଥାନକୁ ସୃଜନଶୀଳତା ଓ କଳାତ୍ମକ ଅଭିବ୍ୟକ୍ତିର ମଞ୍ଚରେ ପରିଣତ କରାଯାଇଥିଲା।ଏହି ଅବସରରେ ଅଶୀଷ ରଞ୍ଜନ ସାବତ, ମାଲିକ ଏବଂ ସେଣ୍ଟର ଡାଇରେକ୍ଟର, ଜେଡି ଇନଷ୍ଟିଚ୍ୟୁଟ୍ ବ୍ରହ୍ମପୁର କହିଥିଲେ: “ଏହି ପଦକ୍ଷେପର ମୂଳ ଉଦ୍ଦେଶ୍ୟ ଥିଲା ସୃଜନଶୀଳତାକୁ ସାଧାରଣ ଲୋକଙ୍କ ନିକଟକୁ ନେବା ଏବଂ ଫ୍ୟାଶନ୍, ଡିଜାଇନ୍, ଲଗ୍ଜୁରୀ ଓ ସୃଜନଶୀଳ ଶିଳ୍ପ କ୍ଷେତ୍ରରେ ଥିବା ଅପାର କ୍ୟାରିୟର ସୁଯୋଗ ସମ୍ପର୍କରେ ସଚେତନତା ସୃଷ୍ଟି କରିବା। ଲୋକମାନଙ୍କର ଅପୂର୍ବ ପ୍ରତିକ୍ରିୟା ଆମକୁ ଦକ୍ଷିଣ ଓଡ଼ିଶାକୁ ଡିଜାଇନ୍ ଶିକ୍ଷା ଓ ନବସୃଷ୍ଟିର ଏକ କେନ୍ଦ୍ରରେ ପରିଣତ କରିବାର ପ୍ରେରଣା ଦେଇଛି।ଆୟୋଜକମାନେ ଏହାକୁ ଦକ୍ଷିଣ ଓଡ଼ିଶାରେ ସୃଜନଶୀଳ ଶିଳ୍ପର ବିକାଶ ଓ ଯୁବ ପ୍ରତିଭାଙ୍କ ପାଇଁ ଏକ ଉଲ୍ଲେଖନୀୟ ପ୍ରୟାସ ବୋଲି ମତ ପ୍ରକାଶ କରିଛନ୍ତି।
